原來眼睛都會中風？

15/03/2024

「眼中風」可以影響視網膜嘅動脈或者靜脈，後者雖然冇咁嚴重，但係比較常見，所以今日我地就集中講一講呢一種「眼中風」– 視網膜靜脈阻塞。

高危族群：高血壓、糖尿病、心血管疾病、BMI指數過高嘅人士。

常見症狀：患者可能冇症狀，亦有可能其中一隻眼嘅視力變得模糊，或者失去局部周邊視野。

診斷方法：因為有機會冇症狀，有時喺全面眼睛檢查時放大瞳孔發現視網膜有靜脈阻塞、視網膜出血、黃斑水腫等病徵。

預防方法：穩定控制血糖同血壓水平、保持健康嘅生活習慣，如均衡飲食、多做運動、戒煙等都可以幫助預防眼中風。如果係高危人士，就記住每年搵你嘅眼科視光師做一個放大瞳孔嘅全面眼睛檢查啦！

—————————————————————————

自一九八二年起，香港眼科視光師學會一直以「為香港市民提供高水準的全面眼睛檢查及視覺護理」為宗旨，提高公眾眼睛健康意識。

電話：3126 9938

電郵：secretariat@hkspo.org.hk

Back

Enquiry